Ársþing

Karen Espelund sérstakur gestur á ársþingi KSÍ

Hefur setið í stjórn UEFA síðan 2011

13.2.2015

Sérstakur gestur á 69. ársþingi KSÍ, sem fram fer á Hilton Hótel Nordica á laugardag, verður hin norska Karen Espelund, sem setið hefur í framkvæmdastjórn UEFA síðan 2012. 


Knattspyrnan hefur átt hug og hjarta Karenar all tíð.  Hún lék yfir 300 leiki fyrir lið Trondheims Ørn og lék tvisvar með norska A-landsliðinu.  Meðfram leikmannsferlinum starfaði hún ötullega fyrir sitt félag og sá áhugi og sú reynsla skilaði henni fljótlega í verkefni fyrir norska knattspyrnusambandið.  Karen sat í stjórn Knattspyrnusambands Noregs frá árinu 1988 til 1999, þegar hún tók við stöðu framkvæmdastjóra  sambandsins, sem hún gegndi um 10 ára skeið.  Hún hefur setið í kvennanefnd UEFA síðan 1990 og í framkvæmdastjórn UEFA síðan 2011.

Ásamt því að vera sérstakur gestur á ársþinginu er hún á meðal fyrirlesara á sérstöku málþingi um stöðu kvennaknattspyrnu, sem haldið er í höfuðstöðvum KSÍ í dag, föstudag.



Ársþing




Aðildarfélög




Aðildarfélög