Ársþing

Tveir í framboði til formanns á 69. ársþingi KSÍ

Þingið fer fram á Hótel Reykjavík Nordica, laugardaginn 14. febrúar

2.2.2015

Framboð til stjórnar KSÍ skal skv. 15. grein laga KSÍ berast skrifstofu KSÍ minnst hálfum mánuði fyrir þing. Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.

Stjórn KSÍ er kosin á knattspyrnuþingi og skal kosning fara þannig fram:

a.    Kosning formanns annað hvert ár til tveggja ára í senn.

b.    Kosning 4ra manna í aðalstjórn til tveggja ára en fjórir menn ganga úr aðalstjórn á hverju ári.

c.    Kosning 4ra manna frá landsfjórðungunum í stjórn til eins árs.

d.    Kosning 3ja manna til vara í aðalstjórn til eins árs.

e.    Kosning 4ra manna frá landsfjórðungunum til vara til eins árs.

Hér fyrir neðan er gerð grein fyrir þeim framboðum sem tilkynnt voru til skrifstofu KSÍ hálfum mánuði fyrir þing og eru þau birt í stafrófsröð.

Kosning formanns

Tveir bjóða sig fram til formanns á 69. ársþingi og þeir eru:

Geir Þorsteinsson - Reykjavík

Jónas Ýmir Jónasson - Hafnarfirði

Kosning í aðalstjórn

Tveggja ára kjörtímabili eftirtaldra í aðalstjórn KSÍ lýkur á 69. ársþingi KSÍ 14. febrúar nk.:

Í aðalstjórn

  • Gylfi Þór Orrason, varaformaður - Reykjavík
  • Guðrún Inga Sívertsen, gjaldkeri - Reykjavík
  • Róbert Agnarsson - Reykjavík
  • Vignir Már Þormóðsson - Akureyri

Allir ofangreindir stjórnarmenn gefa kost á sér til áframhaldandi stjórnarsetu.  Ekki bárust fleiri framboð til skrifstofu KSÍ.

Auk ofangreindra sitja í aðalstjórn (tveggja ára kjörtímabili þeirra lýkur í febrúar

 2016):

  • Gísli Gíslason - Akranesi
  • Jóhannes Ólafsson - Vestmannaeyjum
  • Ragnhildur Skúladóttir - Reykjavík
  • Rúnar Arnarson - Reykjanesbæ

Kosning aðalfulltrúa landsfjórðunga

Eins árs kjörtímabili aðalfulltrúa landsfjórðunganna lýkur á 69. ársþingi KSÍ 14. febrúar nk.:

                   Aðalfulltrúar landsfjórðunga

                   Jakob Skúlason - Vesturland

                   Björn Friðþjófsson - Norðurland

                   Valdemar Einarsson - Austurland

                   Tómas Þóroddsson - Suðurland

Allir ofangreindir fulltrúar gefa kost á sér til áframhaldandi setu í stjórn sem aðalfulltrúar landsfjórðunga.  Ekki bárust fleiri framboð til skrifstofu KSÍ.

Kosning varamanna í aðalstjórn

Eins árs kjörtímabili varamanna í aðalstjórn lýkur á 69. ársþingi KSÍ 14. febrúar nk.:

                   Varamenn í aðalstjórn

                   Ingvar Guðjónsson - Grindavík

                   Jóhann Torfason - Ísafirði

                   Þórarinn Gunnarsson - Reykjavík     

Allir ofangreindir gefa kost á sér til áframhaldandi setu sem varamenn í aðalstjórn.  Ekki bárust fleiri framboð til skrifstofu KSÍ.




Ársþing




Aðildarfélög




Aðildarfélög