Mótamál
Snjallir erlendir leikmenn

Félagaskiptaglugginn lokar sunnudaginn 31. júlí

Félög hvött til þess að vera afar tímanlega ef á að fá félagaskipti erlendis frá

25.7.2011

Sunnudaginn 31. júlí lokar félagaskiptaglugginn og frá og með 1. ágúst eru öll félagaskipti, innanlands og til landsins, óheimil.  

Félagaskipti innanlands

Fullfrágengin félagaskipti innanlands þurfa að hafa borist skrifstofu KSÍ fyrir miðnætti, sunnudaginn 31. júlí.  Ef þau berast síðar verður keppnisleyfi veitt frá 22. febrúar (athugið sérákvæði um samningslausa leikmenn yngri flokka)  Forráðamenn félaga eru hvattir til þess að ganga tímanlega frá félagaskiptum.

Félagaskipti erlendis frá

Forráðamönnum félaga er sérstaklega bent á að vera vel tímanlega ef reyna á að fá félagaskipti erlendis frá.  Félagaskipti á milli landa taka yfirleitt nokkra daga og því fyrr sem er farið af stað með þau, því líklegra er að þau berist fullfrágengin fyrir lokun félagaskiptagluggans.  Vakin er athygli á því að erlend knattspyrnusambönd eru ekki með opnar skrifstofur sínar um komandi helgi.

Tímabundin félagaskipti

Ef um tímabundin félagaskipti er að ræða verður að senda eyðublaðið „Tímabundin félagaskipti“ fullfrágengið.  Einnig verður að koma lánssamningur á milli félaga, undirritaður af öllum aðilum (þ.e. báðum félögum og leikmanni).  Einungis samningsbundnir leikmenn geta haft tímabundin félagaskipti.  Þá er minnt á að ef leikmaður er lánaður í þessum glugga, fær hann ekki keppnisleyfi að nýju með móðurfélagi fyrr en 16. október. 




Mótamál




Aðildarfélög


Skráning úrslita

Leiðbeiningar Úrslit leikja í öllum flokkum má skrá með SMS-skeyti eða í gegnum aðgang viðkomandi félags að ksi.is í gegnum Séraðgerðir hér að ofan




Aðildarfélög