Mótamál
Leikmenn Breiðabliks og Þróttar þakka fyrir leikinn eftir leik liðanna í 7. flokki B á Norðurálsmótinu á Akranesi

Framlög frá UEFA og KSÍ til barna- og unglingastarfs aðildarfélaga KSÍ 2014

Íslensk félög fá um 82 milljónir króna til barna- og unglingastarfs

23.10.2014

UEFA hefur ákveðið, líkt og áður, að hluti af þeim tekjum sem sambandið hafði af Meistaradeild UEFA (Champions League) 2013/2014 skuli renna til félaga í öllum aðildarlöndum UEFA til eflingar knattspyrnu barna- og unglinga.  Uppgjör vegna Meistaradeildarinnar sem lauk vorið 2014 hefur nú farið fram og fá íslensk félög um 43 milljónir króna í sinn hlut til barna- og unglingastarfs. 

Samkvæmt ákvörðun UEFA skulu öll framlög vegna Meistaradeildar UEFA til barna – og unglingastarfs renna til félaga í efstu deild.  Framlag UEFA skiptist því á milli félaga í Pepsi-deild karla.

Stjórn KSÍ hefur samþykkt að leggja til um 39 milljónir króna til viðbótar sem skiptist á milli aðildarfélaga í öðrum deildum og utan deilda en skipting á framlagi til barna – og unglingastarfs verður þá með þeim hætti að félög úr Pepsi-deild fá kr. 3.575.000 sem er framlag UEFA, félög úr 1. deild fá kr. 1.600.000 , félög í 2. deild karla fá kr. 1.100.000 hvert, önnur félög í deildarkeppni kr. 800.000 og félög utan deildarkeppni kr. 250.000.  Úthlutun er háð því að félög haldi úti starfsemi í yngri flokkum og skulu félög utan deildarkeppni og félög sem ekki halda úti starfsemi hjá báðum kynjum sækja sérstaklega um framlag. 

Samþykkt stjórnar KSÍ byggir á samráði við aðildarfélögin og almennri sátt um skiptingu fjármunanna.

Greiðslan til félaganna skal renna óskipt til eflingar knattspyrnu barna og unglinga frá yngstu iðkendum til og með 2. aldursflokks karla og kvenna.  Samtals er því framlag til barna- og unglingastarfs fyrir árið 2014 áætlað um 82 milljónir króna.

UEFA setur eftirfarandi skilyrði fyrir greiðslu sinni til félaga í Pepsi-deild karla:

1)      Greiðslan fer í gegnum viðkomandi knattspyrnusamband.

2)     Aðeins félög sem leika í efstu deild og uppfylla lágmarks kröfur leyfiskerfis viðkomandi knattspyrnusambands varðandi barna- og unglingastarf geta fengið greiðslu.

3)      Fjárhæðin skiptist á milli félaganna samkvæmt ákvörðun stjórnar viðkomandi sambands.

4)     Félög sem tóku þátt í Meistaradeild UEFA 2013/2014 skulu ekki fá hlutdeild í þessari greiðslu.

Í samræmi við ofangreind skilyrði ákvað stjórn KSÍ að framlag UEFA rynni til þeirra félaga sem leika í Pepsi-deild karla árið 2014 en í þeirri deild hefur KSÍ innleitt leyfiskerfi (m.a. kröfur um samþykkta áætlun um uppeldisstarf).

Samþykkt stjórnar KSÍ um úthlutun fjármagns UEFA og KSÍ til barna- og unglingastarfs 2014:

1)     Framlag UEFA til aðildarfélaga til eflingar knattspyrnu barna- og unglinga rennur til þeirra félaga sem leika í Pepsi-deild karla árið 2014.  Félög úr Pepsi-deild fá kr. 3.575.000 hvert.  Úthlutun er háð því að félög haldi úti starfsemi í yngri flokkum og hafi samþykkta áætlun um uppeldisstarf skv. leyfisreglugerð KSÍ.  Framlag UEFA rennur einungis til félaga í Pepsi-deild karla skv. ákvörðun UEFA.

2)     Framlag KSÍ til eflingar knattspyrnu barna og unglinga að upphæð um 39 milljónum króna rennur til félaga í 1. deild karla, 2. deild karla, 3. deild karla, 4.deild karla og aðildarfélaga KSÍ utan deilda 2014. Hvert félag í 1. deild karla fær kr. 1.600.000, félag í 2. deild karla fær kr. 1.100.000 önnur félög í deildarkeppni kr. 800.000 og félög utan deildarkeppni kr. 250.000.  Úthlutun er háð því að félög haldi úti starfsemi í yngri flokkum beggja kynja og skulu félög sem eru utan deildarkeppni (eða eru ekki með starfsemi hjá báðum kynjum)  framvegis sækja um styrk til barna- og unglingastarfs og sýna fram á starfsemi sína.

3)     Greiðslan til félaganna skal renna óskipt til eflingar knattspyrnu barna og unglinga frá yngstu iðkendum til og með 2. aldursflokks karla og kvenna.

4)     Dæmi um kostnaðarliði í þessu starfi eru laun þjálfara, ferðakostnaður vegna þátttöku í keppni, aðstöðuleiga, kaup á tækjum og áhöldum.

Rétt er að fram komi að þegar um samstarfsfélög er að ræða hljóta þau félög er að því samstarfi standa styrk ef þau sinna barna- og unglingastarfi.

Eftirfarandi tafla sýnir greiðslur í milljónum króna frá UEFA vegna Meistaradeildarinnar 2013/2014 og frá KSÍ til barna- og unglingastarfs aðildarfélaga KSÍ.  Styrkurinn kemur til greiðslu 3. nóvember 2014.


Pepsi-deild Upphæð
Breiðablik 3.575.000 kr.
FH 3.575.000 kr.
Fram 3.575.000 kr.
Fylkir 3.575.000 kr.
Fjölnir 3.575.000 kr.
ÍBV 3.575.000 kr.
Keflavík 3.575.000 kr.
KR 3.575.000 kr.
Stjarnan 3.575.000 kr.
Valur 3.575.000 kr.
Víkingur R 3.575.000 kr.
Þór 3.575.000 kr.
42.900.000 kr.
1. deild Upphæð
ÍA 1.600.000 kr.
Grindavík 1.600.000 kr.
Haukar 1.600.000 kr.
KA 1.600.000 kr.
HK 1.600.000 kr.
Leiknir R 1.600.000 kr.
Selfoss 1.600.000 kr.
Tindastóll 1.600.000 kr.
Víkingur Ó 1.600.000 kr.
Þróttur 1.600.000 kr.
16.000.000 kr.
2. deild Upphæð
Afturelding 1.100.000 kr.
Grótta 1.100.000 kr.
Huginn 1.100.000 kr.
KF 1.100.000 kr.
Völsungur 1.100.000 kr.
ÍR 1.100.000 kr.
Njarðvík 1.100.000 kr.
Reynir S 1.100.000 kr.
Sindri 1.100.000 kr.
Ægir 1.100.000 kr.
11.000.000 kr.
Önnur félög í deildarkeppni og sameiginleg lið í efri deildum - þátttaka í KSÍ mótum (bæði kyn) Upphæð
Austri 800.000 kr.
Álftanes 800.000 kr.
800.000 kr.
Bolungarvík 800.000 kr.
Dalvík 800.000 kr.
Einherji 800.000 kr.
Grundarfjörður 800.000 kr.
Hamar 800.000 kr.
Hvöt 800.000 kr.
Höttur 800.000 kr.
Kormákur 800.000 kr.
Leiknir F 800.000 kr.
Snæfell 800.000 kr.
Valur Rfj 800.000 kr.
Víðir 800.000 kr.
Þróttur Nes 800.000 kr.
12.000.000 kr.

KSÍ getur óskað eftir upplýsingum um starfsemi og ráðstöfun fjármuna fyrri ára áður en til greiðslu styrkjar kemur.




Mótamál




Aðildarfélög


Skráning úrslita

Leiðbeiningar Úrslit leikja í öllum flokkum má skrá með SMS-skeyti eða í gegnum aðgang viðkomandi félags að ksi.is í gegnum Séraðgerðir hér að ofan




Aðildarfélög