Lög og reglugerðir

Niðurstöður ársþings

10.2.2003

Misskilnings hefur gætt með afgreiðslu nokkurra tillagna á nýliðnu ársþingi KSÍ.

Í fyrsta lagi þá verður engin breyting fyrirkomulagi keppni í Coca-Cola bikar karla árið 2003. Hins vegar var samþykkt að stjórn KSÍ leggi fram tillögu á ársþingi KSÍ 2004 þess efnis að undaúrslit fari fram á heimavelli þess liðs sem dregst á undan. Til þess að þessi breyting verði að veruleika þarf samþykki ársþings KSÍ.

Í öðru lagi var samþykkt tillaga um ferðajöfnunarsjóð í landsdeildum í meistaraflokki enda fáist kostnaðurinn greiddur úr ríkissjóði.

Í þriðja lagi þá var samþykkt á þinginu að stjórn KSÍ kanni gaumgæfilega kosti þess og galla að varalið félaga geti tekið þátt í Íslandsmóti í meistaraflokki og skili niðurstöðu fyrir ársþing 2004. Í þessu sambandi er rétt að geta þess að stjórn KSÍ skal einnig kanna möguleika þess að breyta keppnisfyrirkomulagi í 1. flokki til að koma til móts við þarfir þeirra félaga sem vilja aukin verkefni fyrir stóran leikmannahóp sinn.

57. ársþing KSÍ - 8. febrúar 

Tillögur og önnur mál - Niðurstaða

Tillögur frá milliþinganefnd KSÍ

- Eftirlit með framkvæmd á reglugerðum KSÍ um félagaskipti leikmanna og samninga og stöðu félaga og leikmanna

= Tillagan var samþykkt.

Tillaga til ályktunar

- Leyfiskerfi í Símadeild karla  

= Tillagan var samþykkt.

Tillaga til ályktunar um breytingu á reglugerð KSÍ um knattspyrnumót

- Bikarkeppni í meistaraflokki karla

= Tillaga Fram og KR var dregin til baka.

Tillaga til ályktunar

- Varalið í meistaraflokki karla

= Lögð var fram breytingartillaga um að stjórn KSÍ kanni málið betur, sem var samþykkt

Tillaga til ályktunar

- Dómari í 1. deild kvenna skipaður af KSÍ

= Tillagan var samþykkt.

Nefnd um breytta aldursskiptingu í 2. flokki karla

- Niðurstaða nefndarinnar

= Niðurstaðan var kynnt fyrir þingfulltrúum.  Nefndin telur ekki ástæðu til að breyta aldursskiptingu í 2. flokki karla að svo stöddu.

Tillaga um breytingu á reglugerð KSÍ um knattspyrnumót

- Meistarakeppni KSÍ

= Tillagan var samþykkt.

Tillaga um breytingu á lögum KSÍ

- Framboðsfrestur

= Tillagan var samþykkt.

Tillaga til ályktunar

- Undanúrslit bikarkeppni KSÍ

= Tillagan var samþykkt.  Stjórn KSÍ munflytja tillögu á ársþingi2004 um breytingu á reglugerð um knattspyrnumót þess efnis að undanúrslit fari fram á heimvöllum viðkomandi liða.  Til þess að breytingin verði að veruleika þarf sú tillaga samþykki ársþingsins.

Tillaga til ályktunar

- Jöfnunarsjóður vegna ferðakostnaðar í deildarkeppni

= Tillagan var samþykk með þeirri breytingu að við bætist: "enda komi greiðslan úr ríkissjóði."

Tillaga um breytingu á reglugerð KSÍ um knattspyrnumót

- Bikarkeppni KSÍ í meistaraflokki karla

= Tillaga stjórnar KSÍ um að breyta 32 liða úrslitum var felld.

 

 




Lög og reglugerðir




Aðildarfélög




Aðildarfélög