Lög og reglugerðir

Þjálfari Afríku úrskurðaður í tveggja mánaða leikbann

Lið Afríku tefldi fram leikmanni sem ekki var skráður á leikskýrslu

22.6.2005

Stjórn KSÍ ákvað á fundi sínum 20. júní síðastliðinn að úrskurða Mostafa Marinó Anbari, þjálfara Afríku, í tveggja mánaða leikbann.

Eftir leik Augnabliks og Afríku í VISA-bikarnum 20. maí síðastliðinn kom í ljós að Afríka skráði Abdel Hamid Oulad Idriss á leikskýrslu þrátt fyrir að hann tæki ekki þátt í leiknum. 

Hið sanna er að Dejan Bilic lék leikinn en nafn hans var ekki skráð á leikskýrsluna.  Dejan Bilic var á þeim tíma leikmaður Neista Hofsósi.

Sakir þessa ákvað stjórn KSÍ á fundi sínum 20. júní að úrskurða í samræmi við greinar 4.3.4. og 4.4.4. í reglugerð KSÍ um knattspyrnumót, Mostafa Marinó Anbari þjálfara Afríku í ofangreindum leik í tveggja mánaða leikbann, nánar tiltekið frá 20. júní til og með 19. ágúst. 

Jafnframt er félagið sektað um kr. 12.000.

 




Lög og reglugerðir




Aðildarfélög




Aðildarfélög