Leyfiskerfi
Knattspyrna á Íslandi

Ánægjukönnun á meðal leyfisumsækjenda 2008

Almenn ánægja með leyfiskerfið

8.4.2008

Að loknu leyfisferlinu á ári hverju fer fram svokallað árlegt endurmat, að kröfu UEFA, þar sem farið er yfir alla þætti kerfisins og skoðað hvað vel hefur gengið og hvað mætti betur fara.

Einn mikilvægur þáttur í þessu endurmati er að óska eftir upplýsingum frá leyfisumsækjendum um þessi atriði.  Hvað fannst fulltrúum félaganna?  Hvað var vel gert og hvað mætti betur fara?

Svör bárust frá sjö félögum af þeim 24 sem undirgengust leyfiskerfið að þessu sinni og hér að neðan er stiklað á stóru um helstu atriðin sem fram komu.

  • Almenn ánægja er með þá þjónustu og þann stuðning sem leyfisstjórn KSÍ veitir leyfisumsækjendum.
  • Mönnum finnst þetta vera gott tæki til að hjálpa félögunum við starfið, gefur ákveðnar línur sem gott er að vinna eftir.
  • Kerfið er strangt og erfitt, en skilar árangri.
  • Í sumum tilfellum var óskað eftir nánari leiðbeiningum varðandi það hvernig tilteknar forsendur eru uppfylltar og nánari útfærslu á ákveðnum forsendum í leyfishandbók.
  • Greiðsla frá KSÍ vegna vinnu við leyfiskerfisins mætti vera hærri, að mati félaganna.
  • Tímamörk vegna skila á fjárhagslegum gögnum þykja sumum þröng. 
  • Öðrum félögum fannst að taka mætti strangar á því þegar tímamörk eru ekki virt og leyfa þeim félögum sem skila innan tímamarka að njóta þess við leyfisveitingu.



Leyfiskerfi




Aðildarfélög




Aðildarfélög