Leyfiskerfi
KSÍ - Alltaf í boltanum

Greiðsla til félaga sem undirgengust leyfiskerfið

22 félög hljóta greiðslu samkvæmt ákvörðun stjórnar KSÍ

27.4.2007

Stjórn KSÍ ákvað á fundi sínum mánudaginn 23. apríl að greiða öllum félögum sem undirgengust leyfiskerfi KSÍ fyrir keppnistímabilið 2007 styrk fyrir vinnu við undirbúning leyfisumsókna.  Heildarupphæð greiðslunnar er kr. 5.000.000, en gæti hækkað í kr. 5.500.000 samkvæmt neðangreindum formerkjum.

Stjórnin ákvað að greiða hverju félagi í Landsbankadeild karla kr. 250.000 vegna vinnu við undirbúning leyfisumsókna fyrir keppnistímabilið 2007, alls kr. 2.500.000.  Þessi félög eru:

  • Breiðablik
  • FH
  • Fram
  • Fylkir
  • HK
  • ÍA
  • Keflavík
  • KR
  • Valur
  • Víkingur R.

Stjórnin ákvað að greiða 7 félögum í 1. deild karla kr. 250.000 vegna vinnu við undirbúning leyfisumsókna fyrir keppnistímabilið 2007.  Um er að ræða þau 7 félög sem skiluðu fullnægjandi gögnum með leyfisumsókn til að þátttökuleyfi hefði verið veitt.  Þessi félög eru:  

  • Grindavík
  • KA
  • Njarðvík
  • Reynir S.
  • Stjarnan
  • Víkingur Ól.
  • Þór

Þá ákvað stjórnin á sama fundi að greiða 5 félögum kr. 150.000, en sú upphæð hækkar í kr. 250.000 ef viðkomandi félög skila nauðsynlegum fjárhagsgögnum til leyfisstjóra fyrir upphaf Íslandsmóts.  Um er að ræða þau 5 félög sem hefðu fengið synjun á umsókn um þátttökuleyfi.  Þessi félög eru:

  • Fjarðabyggð
  • Fjölnir
  • ÍBV
  • Leiknir R.
  • Þróttur R.

 




Leyfiskerfi




Aðildarfélög




Aðildarfélög