Landslið
Englendingar fagna marki í undanúrslitaleiknum gegn Noregi í EM U19 kvenna

Englendingar mæta Þjóðverjum

Sigruðu Norðmenn með þremur mörkum gegn engu

27.7.2007

Það verða tvær rótgrónar knattspyrnuþjóðir, Þýskaland og England, er mætast í úrslitaleik EM U19 á sunnudaginn.  Þetta varð ljóst eftir að Englendingar unnu Norðmenn á KR-vellinum í gærkvöldi með þremur mörkum gegn engu.

Jafnræði var með liðunum í upphafi og bæði lið þreifuðu fyrir sér enda mikið í húfi og taugaspennan allmikil.  Norðmenn fengu ágætis færi snemma leiks en á 23. mínútu náðu Englendingar að brjóta ísinn.  Þar var að verki Ellen White en hún skoraði eftir varnarmistök Norðmanna.  Enska liðinu hefur gengið vel að verja forskot í keppninni hingað til og lagðist það til baka en átti hættulega skyndisóknir.

Fyrirliði enska U19 kvenna, Fern WhelanEins marks forysta var Englendinga þegar gengið var til hálfleiks en norsku stelpurnar mættu ákveðnar til leiks í síðari hálfleik og sóttu töluvert.  Erfiðlega gekk hinsvegar hjá þeim að skapa marktækifæri enda enska vörnin óárennileg með, fyrirliðann, Fern Whelan í feiknaformi.

Ellen White var svo aftur á ferðinni fyrir England á 60. mínútu þegar hún fór í gegnum norsku vörnina og lagði boltann auðveldlega í netið.  Norsku stelpurnar gáfust ekki upp en það var virkilega á brattann að sækja þegar þarna var komið við sögu.  Hamarinn varð svo ókleifur á 78. mínútu þegar Elizabeth Edwards skoraði með með þrumuskoti af rúmlega 25. metra færi.

Ensku stelpurnar fögnuðu ákaft þegar flautað var til leiksloka en stöllur þeirra sátu hnípnar eftir á vellinum.  Norska liðið getur engu að síður vel við unað enda hefur liðið tryggt sér keppnisrétt á HM í Chile sem byrjar um áramótin en fjórar efstu þjóðir keppninnar tryggðu sér þar sæti.

Það verða því tvær miklar knattspyrnuþjóðir sem að takast á í úrslitaleik keppninnar á sunnudaginn kl. 16:00 á Laugardalsvelli.  Þýskaland-England í úrslitaleik EM er eitthvað sem enginn knattspyrnuáhugamaður á að láta fram hjá sér fara.

Keppnin á uefa.com

Fréttir af keppninni

Merki Orkuveitunnar


Mót landsliða




Landslið




Aðildarfélög




Aðildarfélög