Landslið
Merki UEFA U17 karla úrslitakeppni í Belgíu

Tap í fyrsta leik gegn Englandi hjá U17

Leikið við Hollendinga á föstudaginn

2.5.2007

Íslenska U17 karlalandsliðið tapaði fyrsta leik sínum í úrslitakeppni EM U17 sem fram fer í Belgíu.  Lokatölur urðu 0-2 en þannig var staðan í hálfleik.  Íslensku strákarnir leika annan leik sinn í riðlinum á föstudaginn við Holland kl. 18:15.

Englendingar fengu óskabyrjun í leiknum því þeir náðu að skora strax á fjórðu mínútu.  Markið sló íslenska liðið örlítið út af laginu en þeir náðu samt að vinna sig aftur inn í leikinn.  Enskir bættu hinsvegar við öðru marki á 24. mínútu og þannig var staðan þegar tékkneski dómarinn Jan Jilek flautaði til loka fyrri hálfleiks.

Jafnræði var með liðunum í síðari hálfleik og hvorugu liðinu tókst að bæta við marki þrátt fyrir ágætis tilraunir.  Lokatölur því 0-2 fyrir England í þessum fyrsta leik í riðlinum.


Mót landsliða




Landslið




Aðildarfélög




Aðildarfélög