Landslið
U19-isl-eng-2006

Jafntefli við Englendinga hjá U19 kvenna

Leika lokaleik sinn á La Manga mótinu á föstudag gegn Danmörku

14.3.2007

U19 kvennalandslið Íslands gerði í dag jafntefli við Englendinga á æfingamóti landsliða á La Manga.  Lauk leiknum 1-1 eftir að Laufey Björnsdóttir hafði komið Íslendingum yfir á 51. mínútu.  Leikið verður við Danmörku á föstudaginn og er það síðasti leikur liðsins á mótinu.

Hér að neða er stutt lýsing sem birt var á síðunni á meðan á leik stóð.

England - Ísland

Íslenska liðið bjóst við erfiðum leik enda enska liðið mjög sterkt.  Þessar þjóðir léku 2 vináttulandsleiki á Íslandi í nóvember síðastliðnum.  Englendingar báru sigur úr býtum í báðum leikjum, 3-0 og 4-0.

Enska liðið sótti töluvert meira í fyrri hálfleik en íslenska liðið barðist af grimmd og spilaði varnarleikinn virkilega vel.  Þegar dómari leiksins flautaði til hálfleiks hafði ekkert mark verið skorað, 0-0.

Mark, 0-1 fyrir Ísland

Íslenskar knattspyrnukonur  fara hamförum í dag.  Laufey Björnsdóttir skoraði fyrir Ísland með þrumfleyg frá vítateigslínu, stórglæsilegt mark.  Markið kom á 51. mínútu.

Englendingar jafna leikinn á 60. mínútu með skallamarki, staðan 1-1.

Íslendingar hafa gert tvær breytingar á liði sínu. Rúna Sif Stefánsdóttir og Anna Garðarsdóttir hafa komið inn á í stað Söndru Sifjar Magnúsdóttur og Söru Bjarkar Gunnarsdóttur.

Leiknum lokið með jafntefli, 1-1.  Frábær úrslit hjá stelpunum sem eru greinilega í mikilli sókn.

 


Mót landsliða




Landslið




Aðildarfélög




Aðildarfélög