Fréttir

26.3.2015

KSÍ 68 ára í dag

14 félög og íþróttabandalög stofnuðu KSÍ 26. mars 1947

Í dag, fimmtudaginn 26. mars, er Knattspyrnusamband Íslands 68 ára.  Fjórtán félög og íþróttabandalög stofnuðu KSÍ 26. mars 1947 og var Agnar Klemens Jónsson fyrsti formaður KSÍ.

Þegar haldið var upp á 50 ára afmæli KSÍ árið 1997 var gefin út bókin “Knattspyrna í heila öld” eftir þá Víði Sigurðsson og Sigurð A. Friðþjófsson.  Í þeirri bók er þannig sagt frá stofnun KSÍ:

Stofnfundurinn var haldinn við Vonarstræti í Reykjavík (mynd), þar sem umhverfisráðuneytið er nú til húsa (innskot ksi.is:  Fyrrgreind bók var gefin út 1997).  Fimmtán fulltrúar frá tólf félögum mættu á fundinn; Fram, KR, Víkingi og Val úr Reykjavík, Haukum og FH úr Hafnarfirði, Kára og KA frá Akranesi, Þór og KA frá Akureyri og Þór og Tý frá Vestmannaeyjum.  Auk þess óskuðu Íþróttabandalag Ísafjarðar og Íþróttabandalag Siglufjarðar eftir því að taka þátt í stofnun KSÍ, en þau gátu ekki sent fulltrúa á fundinn.  Alls voru því félög og íþróttabandalög sem áttu aðild að KSÍ frá byrjun 14 talsins.




Fréttir




Aðildarfélög




Aðildarfélög