Það verða Fjölnir og ÍR er leika til úrslita í 1. deild kvenna.  Þetta varð ljóst eftir leiki liðanna i gær.  Fjölnir sigraði Völsung heima, 6-1 og ÍR vann sigur á Magna á Grenivík, 3-1.  Úrslitaleikurinn fer fram sunnudaginn 3. september á Leiknisvelli kl. 12:00..

Á föstudag mætast U21 landslið Íslands og Ítalíu í riðlakeppni EM.  Leikurinn fer fram á Laugardalsvelli og hefst kl. 19:00.  Takist okkar piltum að vinna sigur á Ítölum eiga þeir góða möguleika á að komast áfram í umspil um sæti í lokakeppninni.

Það verða KR-ingar sem mæta Keflvíkingum í úrslitaleik VISA-bikars karla í ár, en þeir tryggðu sér farseðilinn í úrslit með því að leggja Þróttara með einu marki gegn engu í undanúrslitaleik á Laugardalsvelli.  Eina mark leiksins kom í fyrri hluta framlengingar.

Keflvíkingar tryggðu sér í kvöld sæti í úrslitum VISA-bikarsins með sigri á Víkingi.  Lauk leiknum 0-4 fyrir Suðurnesjamenn og voru þeir vel að sigrinum komnir.  Þeir mæta annaðhvort Þrótti eða KR en þau leika í kvöld kl. 20:00 á Laugardalsvellinum.

Jörundur Áki Sveinsson, landsliðsþjálfari, hefur tilkynnt byrjunarliðið er mætir Svíum.  Leikurinn hefst kl. 14:00, laugardaginn 26. ágúst og fer fram á Laugardalsvelli.  Aðgangur á leikinn er ókeypis.

Eins og kunnugt er ætlar Landsbankinn að styrkja Neistann, styrktarfélag hjartveikra barna.  Hefur bankinn heitið á hvert mark er skorað verður í 15. umferð Landsbankadeildar karla og kvenna.

Eyjólfur Sverrisson, landsliðsþjálfari, hefur valið landsliðshópinn er mætir Norður-Írum og Dönum.  Leikurinn við Norður-Íra er leikinn í Belfast 2. september en leikurinn við Dani er á Laugardalsvelli, miðvikudaginn 6. september.

Dómstóll KSÍ hefur tekið fyrir mál Hauka gegn Þrótti varðandi leik í 1. deild kvenna A.  Fór leikurinn fram 1. ágúst 2006 á Valbjarnarvelli og lauk með sigri Þróttar, 3-2.  Dómstóllinn úrskurðar að úrslit leiksins skulu standa óhögguð.

Íslenska U18 karlalandsliðið tapaði gegn Slóvakíu í dag en leikurinn var liður í alþjóðlegu móti er fram fer í Tékklandi.  Lauk leiknum 1-3 en Íslendingar komust yfir snemma leiks.

Miðasala á landsleik Íslands og Danmerkur í Evrópukeppni landsliða er hafin á ksi.is og midi.is.  Sala aðgöngumiða á landsleiki fer nú fram í nýju miðasölukerfi fyrir Laugardalsvöll frá midi.is.  Kaupendum gefst kostur á að velja sér það sæti sem viðkomandi vilja sitja í.

Úrslitakeppni í Polla- og Hnátumóti KSÍ fór fram um helgina.  Leikið var annars vegar í úrslitakeppni SV-lands og hins vegar NL / AL.  Meðfylgjandi er yfirlit yfir sigurvegara í mótum helgarinnar.

Íslenska kvennalandsliðið leikur vináttulandsleik við Bandaríkin 8. október næstkomandi.  Leikið verður á velli háskólans í Richmond í Virginíu.  Leikurinn verður í beinni útsendingu á sjónvarpsstöðinni ESPN2 í Bandaríkjunum.

Völsungur sigraði í VISA-bikarkeppni Norðurlands hjá 3. flokki kvenna með sigri á Tindastól. Lauk leiknum með sigri Húsavíkurstelpnanna með þremur mörkum gegn tveimur en leikið var á Húsavíkurvelli.

Eftir leiki dagsins er ljóst hvaða lið leika í úrslitakeppni 3. deildar en hún hefst um næstu helgi,  laugardaginn 26. ágúst. Liðin sem mætast í 8. liða úrslitum eru eftirfarandi:

Knattspyrnudómstóll KSÍ hefur dæmt í máli Hattar gegn Fjarðabyggð.  Var kært vegna leiks í 2. flokki karla C2 sem fram fór 31. júlí síðastliðinn og var leikinn á Vilhjálmsvelli.

Íslenska A-landslið kvenna verður í eldlínunni á laugardaginn þegar liðið tekur á móti Tékkum.  Leikið er á Laugardalsvelli og hefst leikurinn kl. 16:00.  Leikurinn er liður í riðlakeppni HM 2007. Frítt verður á þennan leik.

Eyjólfur Sverrisson, landsliðsþjálfari Íslands, hefur tilkynnt byrjunarlið sitt sem mætir Spánverjum í vináttulandsleik í kvöld kl. 20:00.

Guðni Kjartansson, landsliðsþjálfari U18 landsliðs karla, hefur valið eftirtalda leikmenn í landslið Íslands sem keppir á alþjóðlegu móti í Tékklandi 21. ágúst - 27. ágúst.

Sala stæðismiða á ksi.is og midi.is og einnig við Laugardalsvöll frá kl. 10:00 við aðalinngang vallarins í vesturstúku.   Áhorfendur eru hvattir til þess að mæta tímanlega því aðgöngumiðar eru skannaðir inn við aðgönguhlið.

Eiður Smári Guðjohnsen, fyrirliði íslenska landsliðsins í knattspyrnu, verður ekki með í vináttulandsleiknum gegn Spáni.  Í samráði við lækna íslenska liðsins og landsliðsþjálfara var ákveðið að gefa Eiði frí í þessum leik.

Svæðisbundin úrslitkeppni í Hnátumóti KSÍ fer fram helgina 19.-20. ágúst.  Leikið er annars vegar SV-lands og hins vegar NL / AL.  Meðfylgjandi eru nánari upplýsingar um þessar úrslitakeppnir.

Handhafar A-passa frá KSÍ fá aðgöngumiða á leikinn Ísland - Spánn afhenta föstudaginn 11. ágúst frá kl. 10:00 - 17:00. Miðarnir verða afhentir í miðasöluskúrum sem staðsettir eru sunnan við austurstúku Laugardalsvallar.

Viðurkenningar fyrir umferðir 7-12 í Landsbankadeild karla verða afhentar í hádeginu í dag, miðvikudag, í Iðnó við Reykjavíkurtjörn.  Spennandi verður að sjá hverja valnefndin hefur talið hafa skarað fram úr í miðhluta mótsins.

Aganefnd tók fyrir á fundi sínum 1. ágúst 2006, mál vegna ummæla Bjarna Guðjónssonar leikmanns ÍA.  Eru Bjarna veittar ávítur vegna ummælanna og knattspyrnudeild ÍA sektuð um 10.000 kr. vegna framkomu hans.

Miðasala á vináttulandsleik Íslands og Spánar er hafin á ksi.is og midi.is og gengur mjög vel. Sala aðgöngumiða á landsleiki fer nú fram í nýju miðasölukerfi fyrir Laugardalsvöll frá midi.is.. 

Dagana 15. – 17. september 2006 heldur knattspyrnudeild Þórs árlegt knattspyrnumót fyrir 4. flokk karla og kvenna. Mótið er eingöngu fyrir þennan aldurshóp og dagskrá mótsins unnin með þennan aldur í huga, sannkallað fótboltapartí!