Fræðsla
Frá útskrift KSÍ A þjálfara 4. júní 2011

KSÍ B próf fer fram 13. febrúar

Prófið er opið öllum þjálfurum sem hafa klárað KSÍ I, II, III og IV og skilað öllum verkefnum á fullnægjandi hátt

24.1.2012

 

Mánudaginn 13. febrúar stendur fræðslusvið KSÍ fyrir KSÍ B prófi (UEFA B prófi). Prófið er opið öllum þjálfurum sem hafa klárað KSÍ I, II, III og IV og skilað öllum verkefnum á fullnægjandi hátt (engar undantekningar eru gerðar).

Prófað er úr öllu námsefni KSÍ I, II, III og IV og úr nýjustu útgáfu af knattspyrnulögunum. Engin hjálpargögn eru leyfð í prófinu. Ef þjálfurum sem hyggjast taka prófið vantar einhver gögn, vinsamlegast hafið samband við undirritaðan.

Prófið fer fram í fræðslusetri KSÍ í Laugardal, hefst stundvíslega kl. 16:30 og próftími er tvær klukkustundir. Þátttakendur sem búa á landsbyggðinni og vilja taka prófið í sinni heimabyggð, þurfa að hafa samband tímanlega við fræðslusvið KSÍ (dagur@ksi.is), svo hægt sé að gera viðeigandi ráðstafanir. Prófið byrjar á sama tíma um allt land.

Í viðhengi eru undirbúningsgögn fyrir prófið. Próftöku- og skírteinisgjald er 3.000 krónur.

Opið er fyrir skráningu í prófið en hægt er að skrá sig með því að senda tölvupóst á dagur@ksi.is eða hringja í síma 510-2977. Þær upplýsingar sem þurfa að koma fram við skráningu eru eftirfarandi: nafn, kennitala, símanúmer, tölvupóstfang, fæðingarstaður og félag. 

Þeir þjálfarar sem hafa setið KSÍ III þjálfaranámskeið og KSÍ IV þjálfaranámskeið en eiga eftir að skila verkefni af KSÍ III verða að gera það í allra síðasta lagið mánudaginn 6. febrúar hafi þeir hugsað sér að taka prófið í ár. Það þarf að vera búið að fara yfir og samþykkja verkefnið til að viðkomandi þjálfari hafi próftökurétt.

KSÍ B próf - Undirbúningsgögn




Fræðsla




Aðildarfélög




Aðildarfélög