Fræðsla
Þjálfarar að störfum

KSÍ V þjálfaranámskeið haldið 7. - 9. október

Námskeiðið er upphafið af KSÍ A (UEFA A) þjálfaragráðu

16.9.2011

Helgina 7. - 9. október mun Knattspyrnusamband Íslands standa fyrir 5. stigs þjálfaranámskeiði í höfuðstöðvum KSÍ. Þátttökurétt á námskeiðið hafa allir þeir þjálfarar sem eru með KSÍ B þjálfaragráðu og fengu a.m.k. 70 af 100 í KSÍ B prófinu (UEFA B prófinu). Námskeiðið er upphafið af KSÍ A (UEFA A) þjálfaragráðu. Seta á þessu námskeiði framlengir einnig gildistíma KSÍ B skírteinis (UEFA B skírteinis) um þrjú ár.

Þátttökugjald á námskeiðið er 20.000 krónur og dagskrá námskeiðsins er í viðhengi. Dagskráin er birt með fyrirvara um smávægilegar breytingar.

Í janúar nk. mun KSÍ halda 6. stigs þjálfaranámskeið og til að geta sótt um á það námskeið þarf viðkomandi að vera búinn með 5. stigið. Umsóknarfrestur á KSÍ VI þjálfaranámskeiðið rennur út 17. október.

Skráning á KSÍ V þjálfaranámskeiðið er hafin og geta áhugasamir skráð sig með því að senda tölvupóst á dagur@ksi.is eða með því að hringja í 510-2977. Eftirfarandi upplýsingar þurfa að koma fram við skráningu: nafn, kennitala, símanúmer, tölvupóstfang og félag.

Dagskrá




Fræðsla




Aðildarfélög




Aðildarfélög