Fræðsla
Kristinn Jakobsson sprettir úr spori á meðan kollegar hans fylgjast með

Landsdómararáðstefnan var haldin um helgina

Um 50 dómarar sátu ráðstefnuna er haldin var í höfuðstöðvum KSÍ

24.3.2009

Helgina 21. – 22. mars  var haldin hin árlega Landsdómararáðstefna og voru um 50 dómarar er sátu ráðstefnuna.  Einnig sitja ráðstefnuna meðlimir dómaranefndar og starfsmenn dómaranefndar og voru því rúmlega 60 manns á ráðstefnunni ásamt gestum.  Hún fór fram í höfuðstöðvum KSÍ og er mikilvægur undirbúningur fyrir þau verkefni er komandi keppnistímabil hefur í för með sér.

Farið var yfir áherslur sumarsins ásamt öðrum þeim atriðum er tengjast starfi knattspyrnudómara.  Að venju var erlendur fyrirlesari á ráðstefnunni og að þessu sinni var það hinn kunni enski dómari, Mike Riley.  Ásamt því að flytja fyrirlestur á ráðstefnunni og miðla af reynslu sinni, þá dæmdi Riley vináttulandsleik Íslands og Færeyja

Dómararnir gengust undir skriflegt próf á ráðstefnunni en síðustu vikur hafa þeir einnig gengist undir þrekpróf.  Dómararnir hafa verið í æfingum undir yfirumsjón Egils Eiðssonar, frjálsíþróttaþjálfara, síðan í byrjun nóvember og hafa þessar æfingar skilað miklum og góðum árangri.




Fræðsla




Aðildarfélög




Aðildarfélög